السلام عليكم و رحمه الله و بركاته


اليوم ان شاء الله هبدا معاكم المشكله الرابعه من سلسله مشاكل شباب

و تم بحمد الله فتح مدونه خاصه بالسلسله و هى ع الرابط التالى

http://mshakl-shbab.blogspot.com

و قد واجهتنى بعض المشاكل فى اكمال السلسله

و منها عدم ايجاد اى تشجيع

فانا لما بدأت فى السلسه بدات الردود تأتى و التشجيع على العمل

و لكن من الدرس الثالث او ممكن نقول من الثانى

و لم القى ردود ولا اى تشجيع

و لكن نصحنى البعض بعدم الاعتماد على ذلك

و منهم من هم اعضاء و مشرفين فى ترايدنت و غير ذلك

و ان شاء الله سأكمل معكم السلسله


المشاكل السابقه

مشاكل شباب (الجزء الاول) = المواقع الاباحيه

مشاكل شباب (الجزء الثانى) = العادة السريه

مشاكل شباب (الجزء الثالث) = ترك الصلاه


اليوم ساتكلم عن مشكله خطيره مع الشباب

و هى اوقات الفراغ


________________________________________

اولا تعريف بالمشكله و اسبابها


اوقات الفراغ هى مشكله خطيره

فقد تسبب اوقات الفراغ بعض المشاكل للشباب منها الاكتئاب و الزهق و الانتحار فى بعض الاحيان

و لذلك يجب علينا التخلص من هذة المشكله

و من اسباب هذة المشكله

1- البطاله

2- كسل الشباب

3- قله الحماس عند الشباب

و اسباب كتيره اخرى



________________________________________

ثانيا طرق التخلص من المشكله


اولا


زى ما بقول فى كل مشكله

لو كنت تعانى من هذة المشكله

فبمجرد دخولك اللى هذا الموضوع فانت بهذة الطريقه بدأت فعليا فى العلاج

و ذلك لانك اجربت نفسك ع البحث عن حل لهذة المشكله

و هذة خطوة مهمه يجب ان يتخذها كل منا فى مواجهه اى مشكله فى الحياه



ثانيا


ابعد عن الكافيهات و الانترنت

لكافيهات لانك مع اصحابك عندما لا تجدون شىء تعملوه بضطروا تروحوا اليها

و تخسروا فلوسكم و صحتكم (من الشيشه و السجائر)

الانترنت لان لو انت عاطل فانت يومك كله هيبقى انترنت و اذا استمريت على كدة

راح تدمنه و ما راح تقدر تتخلص منه

و بالنسبه للانترنت انا مش بقول مش تخوش عليه

لا انا بقول قلل من وقتك عليه و لو عندك موقع اما تبيعه او تجيب له مدير




ثالثا



لو فى قدرتك تقيم مشروع فلا انصحك بالاستمرار فى التفكير و الجلوس هكذا

ابدأ فى المشروع بهمه و نشاط و ربنا هيكرمك ان شاء الله و لو فشلت متستسلمش

حاول مرة و التانيه و التالته لحد ما توصل حتى لو المشروع صغير (الصغير هيجى يوم و يكبر)

و لو انت معندكش مقدرة لاقامه مشروع

دور على وظائف ع النت و فى الجرائد و الملات و عند اقاربك و اصحابك و معارفك

يعنى من الاخر مش تسيب مكان اللى لما تدور فيه



رابعا


اوعى تفشل فى مرة و تقول انا فاشل

بجد دة مشكله رهيبه و هى اليأس

الحاجه اللى تخسر او تفشل فيها حاول مرة و التانيه و هتجيى معاك ان شاء الله



خامسا


ابعد عن اصحابك اللى مش بيشتغلوا

او قلل قعدتك معاهم

لانك لما تشوفهم كدة هتقول ما اصحابى مش شغالين و عايشين حياتهم عادى

و دة هيخليك مش تعمل اى حاجه



سادسا


لو انت بقى لسه سنك مجاش لسن قابل للعمل

يعنى من الاخر طالب فى مدرسه او جامعه

و بتيجى عليك الاجازة و مش بتلاقى حاجه تعملها

يبقى قدامك حل من الاتنين


الحل الاول : الاشتراك فى نادى او جيم

الحل الثانى : اخذ كورسات و دورات تعليميه (لغات او كومبيوتر او اى شىء انت نفسك تتعلمه)


و لو والدك او اى حد من اقاربك عنده شركه

انزل اشتغل فيها

و مش تقول هضيع الاجازة ع الفاضى

لا بجد والله فى الشغل هتتعرف على ناس جديده

و هتتعود على حياه العمل

و هتعرف مهنه جديده تساعدك بعد التخرج



سابعا


و زى ما بقول فى كل مرة

طول الوقت اقعد ادعى ان ربنا يقويك على مواجهه المشكله دة

و صدقنى كل ما تدعى اكثر ربنا هيشرحلك صدرك اكثر و اكثر

و هتلاقى الامور متيسره معاك


________________________________________


بكدة نكون انتهينا من المشكله الثالثه

ان كان هناك توفيق فمن الله و ان كان خطأ فمن نفسى و الشيطان

انتظرونى ان شاء الله فى المشكله القادمه

بقلم اخوكم احمد جلال